Парады навучэнцам
па падрыхтоўцы да выпускных экзаменаў
Любы экзамен, няхай гэта будзе выпускны або ўступны, уяўляе сабой стрэсавую сітуацыю для таго, хто яго здае. Падрыхтоўка да яго суправаджаецца высокімі эмацыянальнымі, інтэлектуальнымі і фізічнымі нагрузкамі.
Час падрыхтоўкі да экзаменаў трэба разумна размеркаваць. Не варта займацца шмат гадзін без перапынкаў. Лепш вучыць блокамі: засвоіў тэму, замацаваў яе і адпачыў. Потым коратка паўтарыў, што завучыў, і – за новую тэму.
Адзначце тэмы, якія вы ўжо прапрацавалі і ў якіх адчуваеце сябе ўпэўнена.
Сканцэнтруйце ўвагу на пытаннях, да якіх вы слаба падрыхтаваныя.
Выкарыстоўвайце час, адведзены на падрыхтоўку, як мага больш эфектыўна. Новы і складаны матэрыял вучыце ў той час сутак, калі добра «думаецца», г.зн. адзначаецца высокая разумовая працаздольнасць. Звычайна гэта ранішнія гадзіны пасля добрага адпачынку.
Да матэрыялу, які цяжка запамінаецца, неабходна вяртацца некалькі разоў. Праглядаць яго на працягу некалькіх хвілін увечары, а затым яшчэ раз раніцай.
Каб лепш запомніць матэрыял, неабходна максімальна выкарыстоўваць усе магчымасці: успрымаць тэкст і на слых, і візуальна чытаць з ліста.
Трэніруйцеся адказваць на пытанні. Па меры таго, як вы вывучылі кожную тэму, спрабуйце адказваць на пытанні. Адказваючы на іх, вы набываеце
ўпэўненасць у сабе і зможаце адказаць на нечаканыя пытанні на экзамене.
Пераказ тэксту сваімі словамі прыводзіць да лепшага запамінання, паколькі гэта актыўная, арганізаваная разумовая праца.
Вельмі карысна складаць схемы і алгарытмы канкрэтных тэм і трымаць іх у памяці, а не «зазубрываць» усю тэму цалкам “ад” і “да”.
Да экзамену лепш рыхтавацца з бацькамі, сябрам або сяброўкай: паўтараць, задаваць пытанні і адказваць на іх, «прамаўляць» увесь матэрыял.
За некалькі дзён да экзамену “прагані” ў думках магчымыя сітуацыі на
іспытах, уяві сабе ва ўсіх дэталях абставіны будучага экзамену.
Парадак афармлення экзаменацыйных работ
Экзаменацыйныя работы, якія праводзяцца ў пісьмовай форме, па завяршэнні навучання і выхавання на II і III ступенях агульнай сярэдняй адукацыі выконваюцца на падвойных лістах паперы, якія ўкладваюцца адзін у адзін, са штампам установы адукацыі.
На адбітку штампа ўстановы адукацыі запісваецца дата.
Напрыклад:
2 чэрвеня 2016 г.
Пасля адбітку штампа ўстановы адукацыі прапускаецца два радкі і пасярэдзіне наступнага радка робіцца адпаведны запіс:
Экзаменацыйная работа (дыктант)
па беларускай мове
вучаніцы 9 класа
Пятровай Вольгі Сяргееўны
На другой старонцы без слова “тэма” пішацца назва дыктанта.
Коплекс заданняў для падрыхтоўкі да напісання дыктанту
Комплекс заданняў
- Дайце назву тэксту.
- Вызначце стыль тэксту.
- Знайдзіце ў тэксце складаназалежны сказ з даданай азначальнай, зрабіце поўны сінтаксічны разбор дадзенага сказа.
Гэта пачалося (на)досвітку два…аць другога ч…рвеня тыс…ча дзевя…ьсот сорак першага год(у,а). Гітлераўскія войскі раптоўна напалі на нашу краіну. У тую ж раніцу на (Б,б)рэс…кую кр…пасць і на горад абруш…ўся агонь варожай арты…ерыі. 3 неба пасыпаліся бомбы. Але авалодаць кр…пасцю (з,с)ходу як м…ркавала нямецкае каманд…ванне ворагу (не)ўдалося. Гітлераўскія час…ці якія фарсіравалі Бу(х,г) і ўварваліс(ь,я) ў горад на кожным крок(е,у)сустракалі ж…рсткае с….праціўле(н,нн)е.
Мужна абаранялася (Б,б)рэс…кая кр…пасць. Яе (не)шматлікі гарн…зон змага…ся да апошняй ма…чымасці. Гітлераўцы прымянілі тут сваё самае новае ў той час узбрае…е. (Звыш)магутныя гарматныя ўстаноўкі пас…лалі адзін за адным фугасныя снарады.
Нава(д,т) ворагі (не)маглі (не)дзівіцца мужнас…ці і г…раізму абаронцаў кр…пасці.
Знясіле…ыя ранамі голадам і смагай героі (Б,б)рэс…кай кр…пасці трымаліся (аж,аш) да два…цатых чыслаў ліп…ня. Пра гэта све…чаць на…пісы на сценах. Вось адзін з іх. Ён знойдзе…ы ў падвале каз…мата (паўночна)заходняй часткі ц…тадэлі. (Не)вядомы г…рой напісаў сабра…шы відаць апошні(е,я) сілы Паміраю але (не)здаюся. Бывай (Р,р)адзіма! (153)
Паводле В. Вольскага